Ration Card Today News: રેશન કાર્ડ ઇ-કેવાયસી (E-KYC) એ એક પ્રક્રિયા છે જેમાં રેશન કાર્ડ ધારકની ઓળખ આધાર કાર્ડ અને બાયોમેટ્રિક ચકાસણી દ્વારા સાચી હોવાની ખાતરી કરવામાં આવે છે. રાષ્ટ્રીય ખાદ્ય સુરક્ષા અધિનિયમ (NFSA) હેઠળ, રેશન કાર્ડ ધારકો માટે રેશન કાર્ડ E-KYC ફરજિયાત કરવવામાં આવી છે, તેના આધારે માત્ર લાયક લાભાર્થીઓ જ સરકારી યોજનાઓનો લાભ મેળવી શકે. રેશન કાર્ડ E-KYC ડુપ્લિકેટ અથવા ખોટા રેશન કાર્ડને દૂર કરવામાં મદદ કરે છે અને રાશન વિતરણ વ્યવસ્થાને પારદર્શક બનાવે છે.
રેશન કાર્ડ E-KYC શા માટે જરૂરી છે?
રેશન કાર્ડ E-KYC એ રેશન કાર્ડની માન્યતા જાળવવા અને લાભાર્થીની ઓળખ ચકાસવા માટે. ખોટા અથવા ડુપ્લિકેટ રેશન કાર્ડને દૂર કરવા માટે. સરકારી યોજનાઓનો લાભ માત્ર લાયક વ્યક્તિઓને જ મળે તેની ખાતરી કરવા માટે. અને જો રેશન કાર્ડ E-KYC ન કરવામાં આવે, તો રેશન કાર્ડ રદ થઈ શકે છે અથવા રાશન મેળવવાનું બંધ થઈ શકે છે.
રેશન કાર્ડ E-KYC માટે જરૂરી દસ્તાવેજો
- રેશન કાર્ડ
- આધાર કાર્ડ (આધાર સાથે લિંક કરેલો મોબાઇલ નંબર)
- પાસપોર્ટ સાઇઝનો ફોટો (જો ઓફલાઇન પ્રક્રિયા હોય)
- ઇમેલ આઈડી (વૈકલ્પિક)
- રહેઠાણનું પ્રમાણપત્ર (જો જરૂરી હોય)
- બેંક પાસબુકની નકલ (કેટલાક કિસ્સામાં)
- બાયોમેટ્રિક વિગતો (ફિંગરપ્રિન્ટ અથવા ચહેરાની ઓળખ)
રેશન કાર્ડ E-KYC ઓનલાઇન કરવાની રીત
- ગૂગલ પ્લે સ્ટોરથી “Mera Ration” એપ્લિકેશન ડાઉનલોડ કરવાની રહેશે. સાથે “Aadhaar FaceRD” એપ્લિકેશન પણ ઇન્સ્ટોલ કરો.
- “Mera Ration” એપ ખોલો અને તમારી ભાષા (ગુજરાતી) પસંદ કરો. તમારો મોબાઇલ નંબર દાખલ કરો અને મળેલા OTP દ્વારા વેરિફાઇ કરો અને પ્રોફાઇલમાં જઈને પાસવર્ડ સેટ કરો અને રેશન કાર્ડ નંબર લિંક કરો.
- પછી હોમ પેજ પર “Aadhaar e-KYC” ઓપ્શન પસંદ કરો. રેશન કાર્ડ નંબર અને આધાર નંબર દાખલ કરો. આધાર સાથે લિંક કરેલા મોબાઇલ નંબર પર OTP મળશે, તે દાખલ કરો અને વેરિફાઇ કરો.
- પછી Aadhaar FaceRD એપ ખોલો અને ચહેરાની ઓળખ માટે સેલ્ફી લો. સેલ્ફી લેતી વખતે ચહેરો સાફ અને સીધો રાખો અને સ્ક્રીન પરની સૂચનાઓનું પાલન કરો (આંખો ખુલ્લી રાખવી). ચહેરાની ચકાસણી સફળ થયા પછી, “સબમિટ” બટન પર ક્લિક કરો.
- માહિતી ચકાસણી પૂર્ણ થયા પછી, તમને એક કન્ફર્મેશન મેસેજ અથવા ઇમેલ મળશે, જે દર્શાવશે કે તમારું રેશન કાર્ડ E-KYC સફળતાપૂર્વક પૂર્ણ થયું છે.
ખાસ નોંધ: જો OTP ન આવે, તો ખાતરી કરો કે તમારો મોબાઇલ નંબર આધાર કાર્ડ સાથે લિંક છે. જો નહીં, તો નજીકના આધાર કાર્ડ કેન્દ્ર પર જઈને મોબાઇલ નંબર અપડેટ કરાવો. દર 5 વર્ષે રેશન કાર્ડ E-KYC અપડેટ કરવું ફરજિયાત છે.
